Toshkent shahar Chilonzor tumanida shifoxonada erkak boshqa palatadagi erkakni quchoqlab, tegajog‘lik qildi. Bu haqda Toshkent sudlari axborot xizmati “Daryo”ga xabar berdi.
Ma’lum qilinishicha, Chilonzor tumani, “Beshyog‘och” MFYda joylashgan 5-sonli yuqumli kasalliklar shifoxonasida 31-avgust kuni A.A. (erkak) N.S. (erkak)ga shilqimlik qilgan. Sudda aybdor palatada yotgan bemor bilan tanishganini, o‘sha kuni N.S.ga telefon qilib, uni telefonini tuzatib berishini aytib oldiga chaqirganini aytgan.
Shuningdek, N.S. xonaga kirganda shamol sabab eshikni yopib, orqasidan kelib quchoqlaganini, uni bo‘ynidan o‘pib, jinsiy a’zosiga tegganini, qo‘lini ham ushlab o‘zining jinsiy a’zosiga tegizganini bildirib o‘tgan.
Sud hukmi bilan ayblanuvchiga nisbatan besh sutka qamoq jazosi tayinlandi.
