Fuqarolik ishlari bo‘yicha Uchtepa tumanlararo sudi da’vogar Qodirov Botir Sheraliyevichni javobgarlar Jo‘rayev Shohjahon Sherali o‘g‘li va Jo‘rayev Zohirshoh Sherali o‘g‘liga nisbatan otalik tartibini belgilash haqidagi da’vo arizasini ko‘rib chiqib, qaror qabul qilindi.
Unga ko‘ra, da’vogar Qodirov Botir Sheraliyevichni javobgarlar Jo‘rayev Shohjahon Sherali o‘g‘li va Jo‘rayev Zohirshoh Sherali o‘g‘liga nisbatan otalik tartibini belgilash haqidagi da’vo arizasi qanoatlantirildi. Marhum 2023 yil 4 sentyabrda vafot etgan Sherali Jo‘rayev 1981 yil 5 mayda tug‘ilgan Qodirov Botir Sheraliyevichga nisbatan otalik fakti belgilandi.
1981 yil 5 mayda tug‘ilgan Qodirov Botir Sheraliyevichni Andijon shahar FHDYO bo‘limida 1983 yil 11 martda 12-son bilan qayd etilgan tug‘ilganlik haqidagi dalolatnomaning ota ustiniga Sherali Jo‘rayev deb ko‘rsatilishi belgilandi.
Sudyaning aytishicha, hal qiluv qarori bir oydan keyin kuchga kiradi. Qarordan norozi taraflar shu sud orqali Toshkent shahar sudi Fuqarolik ishlari bo‘yicha sudlov hay’atiga apilyatsiya tartibida shikoyat qilishi mumkin.
“Shuningdek, Adliya vazirligi huzuridagi Sulaymonova nomidagi Respublika sud-ekspertiza markazi tomonidan taqdim etilgan xulosalarda yo‘l qo‘yilgan kamchiliklar yuzasidan Adliya vazirligiga xususiy ajrim chiqaradi”, dedi sudya.
