Davlat bogʻchalarida davomat olish raqamlashtiriladi

Unda aytilishicha, ilgʻor xorijiy tajribada bolalarning aqliy va kognitiv salohiyati, jismoniy, ruhiy, ijtimoiy holati doimiy kuzatilib, tarbiya yoʻnaltiriladi. Shundan kelib chiqib, Maktabgacha taʼlimni boshqarish axborot tizimida “Bolaning rivojlanish xaritasi”ni yuritish vazifasi qoʻyilmoqda.

Shuningdek, taqdimot davomida bugungi kunda davlat bogʻchalarida davomat, oziq-ovqat xarajatlari qogʻoz shaklida toʻldirilayotganiga eʼtibor qaratildi. Endilikda biometrik identifikatsiya qilish texnologiyasini qoʻllagan holda hisobotlarni raqamlashtirish talabi qoʻyilayotgani bildirildi.

Bundan tashqari, davlatimiz rahbari takliflarni yanada sinchiklab oʻrganib, har tomonlama takomillashtirish boʻyicha koʻrsatmalar berdi.