"Ayaks", "Liverpul", "Barselona" kabi jamoalarda to'p surgan urugvaylik futbolchi Luis Suares matbuot anjumanida terma jamoadagi faoliyatini yakunlaganini e’lon qildi.
Uning so‘zlariga ko‘ra, Urugvayning 6-sentyabr kuni bo‘lib o‘tadigan Paragvayga qarshi o‘yini u uchun so‘nggisi bo‘ladi.
"Menimcha, hozir ayni vaqti. Terma jamoadagi so‘nggi o‘yinimni o‘tkazayotganda xotirjam bo‘lishni istayman. 2007-yildagi debyutim singari maydonda bo‘lishdan judayam xursand bo‘laman", – degan Urugvay terma jamoasining eng yaxshi to'purari.
37 yoshli hujumchi Urugvay terma jamoasida 137 ta o‘yin o‘tkazgan va 68 ta golga mualliflik qilgan. Shuningdek, 39 marta jamoadoshlarining goliga hammualliflik qilgan. 2010-yilda Suares Urugvay terma jamoasi bilan Jahon Chempionatida 4-o‘rinni egallagan, bir yildan keyin esa Amerika Kubogida zafar quchgan.
.png&w=3840&q=75)
