AQSH prezident Maduroning samolyotini musodara qildi
03.09.2024 10:39
AQSH Venesuela prezidenti Nikolas Maduroga tegishli ekani aytilgan va AQSH sanksiyalarini buzgan holda sotib olingan samolyotni qoʻlga oldi.
AQSH Adliya vazirligi maʼlumotlariga koʻra, samolyot Dominikan Respublikasida qoʻlga olingan va Florida shtatiga olib kelingan.
“Adliya vazirligi 13 million dollarga noqonuniy sotib olingan va Nikolas Maduro hamda uning sheriklari foydalanishi uchun AQSHdan yashirincha olib chiqib ketgan samolyotni musodara qildi”, dedi AQSH bosh prokurori Merrik Garland.
CNN xabariga koʻra, gap Fransiyada ishlab chiqarilgan Dassault Falcon 900 biznes-jeti haqida ketmoqda. Soʻnggi oylarda u Dominikan Respublikasida boʻlgan.
Dominikan hukumati Venesuelani musodara haqida xabardor qilgan.
