190 va 106-sonli avtobus yo‘nalishiga vaqtinchalik o‘zgartirish kiritildi

10-07-2025 07:06

"Yangi O‘zbekiston" ko‘chasida olib borilayotgan qurilish-ta’mirlash ishlari sababli ayrim avtobus yo‘nalishlari harakati vaqtincha o‘zgartirilmoqda.

https://storage.pro-data.tech/protsess/eced506c-7024-4c4e-941b-87ce89a5d44d-13bce90e-150a-4678-9f6d-1dd244aab90d.webp

Qayd etilishicha, shu yilning 9-iyuldan 9-avgustga qadar quyidagi yo‘nalishlar harakati Milliy bog‘ ko‘chasi orqali tashkil etiladi.

190-sonli avtobus yo‘nalishi Yangibozor ASHB — Mashinasozlar metro bekati ASHB yo‘nalishida avtobuslar Milliy bog‘ ko‘chasi orqali harakatlanadi. Qaytish yo‘nalishi o‘zgarishsiz.

106-sonli avtobus yo‘nalishi Saodat savdo markazi — Akfa Universiteti yo‘nalishida avtobuslar Milliy bog‘ ko‘chasi orqali harakatlanadi. Qaytish yo‘nalishi o‘zgarishsiz.

Yo‘lovchilardan ushbu vaqtinchalik o‘zgarishlarni inobatga olish va safarlarini oldindan rejalashtirish so‘raladi, — deyiladi xabarda.