Toshkentda havo ifloslanishiga qarshi nima ishlar qilinmoqda?

Poytaxtda havodagi chang miqdorini kamaytirish, ekologik vaziyatni yumshatish va aholi salomatligini muhofaza qilish maqsadida kompleks chora-tadbirlar kun-u-tun amalga oshirilmoqda. 

26 noyabr 2025 yil holatiga ko‘ra bajarilgan ishlar:

— shahar hududidagi 58 ta favvora ishga tushirildi;

— 77 ta maxsus suv sepish texnikasi jalb etilib, 200 ta markaziy va ichki ko‘chalarda 485 km hudud, shuningdek, daraxt va butalar yuvildi;

— “Mahsustrans” ICHB DUK tomonidan 344 ta maxsus texnika yordamida 3 124 tonna chiqindi shahar hududidan olib chiqildi;

— 2 497 ta qurilish obyekti o‘rganilib, ulardan 890 tasida ishlar to‘xtatilganligi, 1 600 tasida esa ishlar davom etayotganligi aniqlandi;

— 241 ta qurilish obyektida 48 ta maxsus texnika yordamida suv purkash va changni bostirish ishlari amalga oshirildi (tadbir boshidan — 1 112 ta obyekt);

— 326 ta umumta’lim maktablari va 474 ta MTTlar orasidan 108 ta maktab va 81 ta MTTda sug‘orish tizimlari ishga tushirildi, qolganlarida hududlar, daraxt va butalar yuvilmoqda;

— 19 ta bozor va yirik savdo komplekslari atrofidagi 2 ta favvora va 1 ta suv saqlash hovuzi ishga tushirildi; bozorlar hududlarida 37 ta texnika yordamida 2 000 ta daraxt, 25 000 m² tom va naveslar, hamda 15 000 metr irrigatsiya tarmoqlari (ariqlar) tozalandi;

— Toshkent shahar SES tomonidan bozorlarda 116 ta (tadbir boshidan — 276 ta) fuqarolarning uy sharoitida tayyorlanayotgan mahsulotlari tekshirilib, 99 ta (241 ta) fuqaroga ogohlantirish berildi, sanitariya talablarini buzgan 17 nafar fuqaroga 35 020 ming so‘m miqdorida jarima qo‘llanildi;

— Tijorat banklari tomonidan 72 ta filial va 337 ta bank xizmatlari markazlarida favvora va sug‘orish tizimlari to‘liq ishga tushirildi, atrofdagi daraxtlar kunlik yuvildi;

— Boshqaruv servis kompaniyalari tomonidan 11 630 ta ko‘p kvartirali uylarning 42 246 ta kirish yo‘lagidan 5 724 tasi, shuningdek 255 863 m² hudud tozalandi; uylar atrofiga tutash hududlardagi 136 478 ta daraxtdan 30 822 tasi yuvildi, 24 043 tasi sug‘orildi;

— Toshkentga kirib keluvchi yuk transportlari harakatini pik soatlarda cheklash choralari kuchaytirildi;

— YHXB, transport boshqarmasi va Ekologiya boshqarmasi mas’ullari tomonidan 263 ta yuk transporti tekshirilib, tent yopmasdan harakatlanish hamda me’yordan ortiq chiqindili gaz chiqarish holatlari aniqlandi — 249 haydovchi ogohlantirildi, 14 transport vositasiga chora ko‘rildi.

Hududlarni, daraxt va butalarni yuvish ishlari ikkinchi smenada ham davom etmoqda. Tadbirlar jarayoniga Obodonlashtirish bosh boshqarmasi, “Toshkent shahar Suv ta’minoti” MCHJ, “Mahsustrans” ICHB DUK, “Avtomobil yo‘llari” qo‘mitasining hududiy bo‘linmasi, kommunal xizmatlar va Boshqaruv servis kompaniyalari jalb etilgan.