AQSH sobiq prezidenti va yangi saylovlarda prezidentlikka nomzod boʻlib turgan Donald Tramp AQSH va dunyo uchun eng asosiy xavf nima ekani haqida gapirdi.
“Mening fikrimcha, mamlakatimiz va butun dunyoning eng katta muammosi yadro qurollaridir. Bu hali hech kim koʻrmagan darajadagi vayronkor kuchdir. Uning hech qachon ishlatilmasligini taʼminlashimiz kerak”, dedi u.
Tramp AQSH hanuzgacha boshqa bir davlatga nisbatan atom qurolini qoʻllagan yagona mamlakat boʻlib qolayotganini aytdi. U boshqa davlatlarning yadroviy zaxiralarini baholar ekan, Xitoy yaqin toʻrt-besh yil ichida AQSHni “quvib yetishiga” ishonch bildirdi.
