Kosonsoydagi suv taqsimlash inshootida 1,2 mlrd soʻmlik elektr energiyasidan noqonuniy foydalanilgan.
Namangan viloyati, Kosonsoy tumanidagi “K.I.S.T.” MChJga qarashli suv taqsimlash inshooti hech qanday asoslantiruvchi hujjatlarsiz tarmoqqa oʻzboshimchalik bilan ulaganligi aniqlandi.
Dastlabki hisob-kitoblarga koʻra, ushbu holat sababli elektr taʼminoti korxonasi manfaatiga 1 milliard 265 million soʻmlik zarar yetkazilgan.
"Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi", — deyiladi “Oʻzenergoinspeksiya” xabarida.
