Toshkent shahridagi “Maxtumquli” ko‘chasida yo‘l harakati vaqtincha cheklanadi

Toshkent shahrida yo‘l infratuzilmasini yangilash ishlari izchil davom etmoqda. Shu doirada kichik halqa avtomobil yo‘lining (KHAY) “Maxtumquli” ko‘chasi bilan kesishmasidagi ko‘prik osti qismida ta’mirlash ishlari boshlandi.

Shu sababli, 2025 yil 5 oktyabrdan 1 noyabrgacha ushbu hududda transport vositalari harakati qisman cheklanadi.

Yo‘ldagi noqulayliklar vaqtinchaligini ta’kidlash joiz: ta’mirlash ishlari yakunlanganidan so‘ng, 1 noyabr kuniga qadar harakat to‘liq tiklanadi.