Respublikachilar partiyasidan prezidentlikka nomzod Donald Tramp 13-iyul kuni unga suiqasd uyushtirish bilan yakunlangan saylovoldi kampaniyasini davom ettirish uchun Pensilvaniya shtatining Batler shahriga qaytib keldi.
Mitingda X egasi Ilon Mask u bilan birga so‘zga chiqdi va yig‘ilganlarni 5-noyabrda bo‘ladigan saylovda Trampni qo‘llab-quvvatlashga chaqirdi.
Bunday saylovoldi tashviqoti Trampga uning raqibi, vitse-prezident Kamala Xarris hozirda so‘rovnomalarda yetakchilik qilayotgan eng muhim shtatlardan biri bo‘lgan Pensilvaniyaning ovozlarini qo‘lga kiritishiga yordam berishi kerak.
- Avvalroq aytganimdek..., - Donald Tramp o‘z nutqini shanba kuni Pensilvaniya shtatining Balter shahridagi mitingda shu so‘zlar bilan boshladi.
O‘q o‘tkazmaydigan oyna ortidan tinglayotgan tarafdorlar hazilni olqishlashdi. Tramp Batlerga oxirgi marta 13-iyulda, unga suiqasd uyushtirilgan kuni kelgan.
Uni 20 yoshli Tomas Metyu Kruks otgan. U sal xato qildi, o‘q Trampning qulog‘iga ozgina tegdi. Kruks prezidentlikka nomzodni qo‘riqlayotgan Maxfiy xizmat xodimlari tomonidan otib o‘ldirilishidan oldin Trampning yana ikki tarafdorini o‘ldirishga muvaffaq bo‘ldi.
