Kuni kecha, 5-oktyabr kuni Telegramʼda boshqa foydalanuvchilarga berilishi mumkin boʻlgan “sovgʻalar” paydo boʻladi. Bu haqda messenjer asoschisi Pavel Durov oʻzining Telegramʼdagi kanalida maʼlum qildi.
“Sovgʻalar — yaqinlaringizni muhim voqealar bilan tabriklashning ajoyib usuli. Sovgʻa oluvchilar ularni oʻz profillarida koʻrsatish yoki yulduzlarga almashtirishi mumkin”, deb yozdi Durov.
Uning taʼkidlashicha, keyinchalik sovgʻalar TON asosidagi NFTlarga aylantirilishi va messenjerdan tashqarida sotilishi mumkin. Shuningdek, Telegram asoschisi keyinroq oshkor qiladigan boshqa yangiliklar ham borligiga ishora qilgan.
