Ijtimoiy tarmoqda Toshkent viloyati Piskent “metan zapravka” oldidagi koʻprik qulab tushgani haqida xabarlar tarqaldi. Holat yuzasidan viloyat IIBB YHXB maʼlumot berdi.
Maʼlum qilinishicha, hodisa joriy yilning 2-oktyabr kuni soat 20:00 larda Piskent tumanidan oʻtgan yoʻlda joylashgan koʻprikda 1987-yilda tugʻilgan fuqaro Howo yuk mashinasini boshqarib ketayotgan vaqtda koʻprik oʻpirilib tushgan. Yuk mashinasining tirkamasi kanalga tushib ketgan.
“Ushbu YTH sodir boʻlgan vaqtda koʻprikda fuqarolar boʻlmagan. Haydovchining sogʻligiga ziyon yetmagan”, – deyiladi xabarda.
Hozirda holat yuzasidan tegishli organ xodimlari tomonidan surishtiruv ishlari olib borilmoqda.
