Yuk mashinasining tormoz qismida nosozlik yuzaga kelganligi sababli ushbu YTH sodir boʻlgan.
Samarqandda yuk mashinasining tormozi ishlamay qolib 5-6 ta avtomashinani ortidan urib ketgani aks etgan video ijtimoiy tarmoqlarga sizdirildi. Ushbu holat yuzasidan Samarqand viloyati IIB Matbuot xizmati ma'lumot berdi.
Joriy yilning 1-oktyabr kuni soat 18:15 atrofida Samarqand shaharda yuk transport vositasi harakatlanib kelayotib tormoz qismida nosozlik yuzaga kelganligi sabab, oʻzi bilan bir yoʻnalishda harakatlanib kelayotgan ettita engil avtomashinaning ortidan kelib urilishi oqibatida YTH sodir boʻlgan.
Ushbu hodisa natijasida tan jarohati olgan va vafot etganlar yoʻq. Holat yuzasidan dastlabki surishtiruv ishlari olib borilmoqda.
