“Eron katta xato qildi va buning uchun javob beradi. Erondagi rejim oʻzimizni himoya qilish va dushmanlarimizdan oʻch olishga boʻlgan qat'iyatimizni tushunmayapti. Biz belgilangan qoidaga amal qilamiz: kim bizga hujum qilsa, biz ham unga hujum qilamiz”, – dedi u.
Isroil armiyasi matbuot kotibi Daniel Hagariy ham Tehron harakatlarining oqibatlari ogʻir boʻlishini aytdi. Uning soʻzlariga koʻra, Isroil va Amerikaning havo hujumidan mudofaa tizimlari Erondan uchirilgan raketalarga qarshi samarali ishlagan.
“Eron Yaqin Sharqni keskinlikka undamoqda. Bugungi voqealar jiddiy oqibatlarga olib keladi”, – dedi u.
Eron hujumidan bir necha soat oʻtib, Isroil harbiylari “Hizbulloh”ning Bayrutdagi marralariga yangi hujumlar uyushtirdi.
AQSh prezidenti Jo Baydenning milliy xavfsizlik boʻyicha maslahatchisi Jeyk Sallivan Eron zarbalarini “sezilarli kuchayish” deb atadi va Tehron jami 200 ga yaqin ballistik raketa uchirgani haqida ma'lum qildi (Eron davlat televideniesi keyinroq xuddi shunday sonni ma'lum qildi).
Sallivan Isroil yoki AQShning qasos olish ehtimoli haqida izoh berishdan bosh tortdi, biroq AQSh esmineslari Isroilga Eron raketalarini urib tushirishda yordam berganini tasdiqladi.
Pentagon matbuot kotibi Pet Rayderning brifingda ma'lum qilishicha, hujumni qaytarishda Oʻrta er dengizida joylashgan AQSh harbiy-dengiz kuchlarining ikki esminesi qatnashgan.
AQSh armiyasi seshanba kungi zarbalar Eronning joriy yilning aprel oyida Isroilga qilgan birinchi hujumidan "ikki baravar katta" ekanligini aytdi. AQSh prezidenti Jo Bayden Vashington Isroilni toʻliq qoʻllab-quvvatlashini aytdi.
Baydenning ta'kidlashicha, uning bevosita buyrugʻi bilan AQSh harbiylari zarba paytida “Isroil mudofaasini faol qoʻllab-quvvatlagan”.
.jpg&w=3840&q=75)
