Shanxay shahar jamoat xavfsizligi departamenti bergan ma’lumotlarga ko‘ra, erta tongda 37 yoshli Lin ismli erkak Sunszyan tumani, Sunxuy yo‘lidagi supermarketda pichoqli hujum sodir bo‘lgan joyda hibsga olingan.
Bayonotda turli darajadagi tan jarohati olgan 18 kishining shifoxonaga yuborilgani, ulardan 3 nafarining reanimatsiya bo‘limida vafot etgani bildirildi.
Ijtimoiy tarmoqlarda tarqalgan videolardan birida ko‘k ko‘ylak va qora shim kiygan erkak ikki qo‘lida pichoq bilan supermarket yonidan o‘tayotganini, piyodalar esa qochib ketayotganini ko‘rish mumkin.
Keyingi videoda esa pichoqlangan ikki kishining qonga belangan holda yerda yotgani ko‘rsatilgan.
Xitoy politsiyasiga ko‘ra, 37 yoshli gumonlanuvchi Shanxayga “shaxsiy moliyaviy kelishmovchilik” tufayli “g‘azabini chiqarish” uchun ataylab boshqa mintaqadan kelgan.
Sunszyan – Shanxayning janubi-g‘arbidagi aholi zich joylashgan tuman bo‘lib, Xitoydagi mashhur Sunszyan universiteti kampusi shu tumanda joylashgan.
.jpg&w=3840&q=75)
