Isitish mavsumida ehtiyojmand oilalarga 1 mln so‘m miqdorida bir martalik yordam beriladi

Bu haqda Ijtimoiy himoya milliy agentligi Axborot xizmati ma’lum qildi.

Yordamni quyidagilar oladi:

• “Ijtimoiy himoya yagona reyestri” orqali bolalar nafaqasi yoki moddiy yordam oluvchi oilalar;
• “Kambag‘al oilalar reyestri”dagi oilalar;
• “Mahalla yettiligi” tomonidan shakllantirilgan qo‘shimcha ro‘yxatga kiritilgan oilalar.

Qo‘shimcha ro‘yxatga quyidagi toifadagi oilalar ustuvor tartibda kiritiladi:

• boquvchisini yo‘qotgan;
• I yoki II guruh nogironi bo‘lgan a’zosi bor;
• nogironligi bo‘lgan bolani parvarishlayotgan;
• isitish tizimi mavjud bo‘lmagan ko‘p qavatli uylarda yashovchi;
• 3 va undan ortiq oila bir xonadonda yashovchi;
• og‘ir xastalikka chalingan bemorni parvarishlayotgan;
• yolg‘iz keksa yoki nogironligi bor fuqarolar.

Agar siz shunday toifaga mansub bo‘lsangiz, joriy yil 25-sentyabrga qadar “Mahalla yettiligi”ga murojaat qiling.