Piyodalar o‘tish yo‘lagida 13 yoshli qizni mashina urib ketdi

Ijtimoiy tarmoqlarda 26 yoshli haydovchi M.N. Cobalt mashinasida harakatlanib ketayotib, yo‘lning o‘ng tomonidan chap tomoniga piyodalar o‘tish joyidan kesib o‘tayotgan 13 yoshli piyoda M.A.ni urib yuborgani aks etgan video tarqaldi.

Videoda qiz qo‘lida qizil bayroqli tayoq ko‘targan maktab xodimini ko‘rib, yo‘ldan o‘ta boshlagan va shu payt mashina kelib uni urgan va bir necha metrga uloqtirib yuborgan. So‘ngra haydovchi va mashinada bo‘lgan boshqa bir ayol tushib, uni mashinaga o‘tqazishgan.

Oqibatda qiz markaziy  shifoxonaga olib borilib, unga birinchi yordam ko‘rsatilgan. Hozirda uning ahvoli yaxshiligi sababli shifoxonadan uyga ruxsat berilgan.

Holat yuzasidan tumani YHXB tomonidan surishtiruv ishlari olib borilmoqda.