Postdan o‘qotar qurol olib o‘tayotgan shaxs ushlandi

Ma’lumotlarga ko‘ra, “Dovut-ota” chegara bojxona posti orqali Rossiya Federatsiyasidan kirib kelgan qurerlik jo‘natmalari bojxona ko‘rigidan o‘tkazilganida Rossiya fuqarosi tomonidan 1 dona 4.5 mm. pnevmatik to‘pponcha, 2 dona gaz baloni, 1 dona tozalash uchun mo‘ljallangan anjom, 2 dona o‘qdon va 700 dona pnevmatik qurol uchun o‘qlar hech qanday xujjatlarsiz olib kelinayotganligi aniqlandi.

Bundan tashqari, Qozog‘iston Respublikasidan kirib kelgan  fuqaroning qo‘l yuklarida 1 dona gaz balonli to‘pponcha, 11 dona gaz balon, 1 dona o‘qdon, 1 dona pnevmatik to‘pponcha uchun g‘ilof va 2000 dona pnevmatik to‘pponcha uchun temir sharikli o‘qlarni Rossiyadan olib kelayotganligi oshkor bo‘ldi.

Hamda, o‘z transport vositasining oldi tomonidagi o‘rindiqlar orasiga vazni salkam 3 kg. bo‘lgan ov miltig‘i o‘qining kapsulalarini xufiyona tarzda yashirib olib o‘tishga urinish holatlari fosh etildi.