Bu yilgi saylov jarayonlari anchayin jonli va tub burilishlarga boy tarzda tashkil etilayotganligi saylov oldi ishlarda ham yaqqol ko‘zga tashlanadi.
Xususan, siyosiy partiyalar ko‘rsatgan Qonunchilik palatasi deputatligiga nomzodlar orasida ayollar sonining ortganligini alohida qayd etish kerak(391 nafar/44,7 foiz). Bu saylov tariximizdagi eng yuqori ko‘rsatkich hisoblanadi.
Nomzodlarni ko‘rsatishda barcha fuqarolarni to‘liq ijtimoiy hayotga kiritishga alohida e’tibor qaratilganini aytib o‘tish kerak. Masalan, Qonunchilik palatasi saylovi bo‘yicha deputatlikka nomzodlar orasida 11 nafar va mahalliy Kengashlar saylovi bo‘yicha deputatlikka nomzodlar orasida jami 605 nafar nogironligi bo‘lgan shaxslar mavjud. Bunaqa yuqori darajadagi inklyuzivligam saylovchilik tariximizda birinchi marta bo‘lyapti.
Shuningdek, nomzodlar orasida yurtimizda istiqomat qilayotgan boshqa millat va elatlarning vakillarini ham ko‘rishimiz mumkin. Nomzodlarning 973 nafari tojik, 588 nafari qozoq, 146 nafari turkman, 141 nafari qirg‘iz, 67 nafari rus va boshqa millatlarni tashkil etadi.
Bir so‘z bilan aytganda, siyosiy tarkibimizning yangilanishi keng ko‘lamli yangiliklar bilan kechmoqda.