Tramp Kamala Harris bilan boshqa debatga chiqmasligini aytdi

“Bokschi jangda mag‘lub bo‘lganida, u darhol “Men revansh jangini xohlayman” deydi. So‘rovlar shuni yaqqol ko‘rsatmoqdaki, men nomzod o‘rtoq Kamala Harrisga qarshi bahsda g‘alaba qozondim va u darhol yangisini talab qildi. Uchinchi bahs bo‘lmaydi!”, — deb yozdi Tramp Truth Social ijtimoiy tarmog‘ida.

Iyun oyida Tramp AQSHning amaldagi prezidenti Jo Baydenga qarshi debat o‘tkazdi. Bayden debatda mag‘lub bo‘ldi va prezidentlik poygasidan chiqdi. Uning o‘rniga vitse-prezident Kamala Harris Demokratik partiyadan nomzod bo‘ldi.

Harris va Tramp o‘rtasidagi debat 11 sentyabr kuni bo‘lib o‘tdi. CNN o‘tkazgan so‘rovnoma ishtirokchilari Harrisni g‘olib deb bilishgan.