Farg‘onadagi YTH natijasida haydovchi halok bo‘ldi
12.09.2024 11:27
Farg‘ona viloyati O‘zbekiston tumanida sodir bo‘lgan yo‘l-transport hodisasida haydovchi halok bo‘lgan. Bu haqda «Ruxsor» telekanalida xabar berildi.
Qayd etilishicha, 61 yoshli haydovchi «Lacetti» mashinasi bilan O‘zbekiston tumani Oqtepa MFY hududidan o‘tgan yo‘lda harakatlanib ketayotganida sog‘ligi yomonlashgan.
Shunda «Lacetti» qarama-qarshi yo‘nalishga chiqib ketgan va o‘z yo‘lidan harakatlanib kelayotgan kichik yuk mashinasi bilan to‘qnashgan. Hodisa oqibatida «Lacetti» haydovchisi og‘ir tan jarohatlari olib, voqea joyida halok bo‘lgan.
Qayd etilishicha, hozirda hodisa yuzasidan tergovga qadar dastlabki surishtiruv harakatlari olib borilmoqda.
