Xorazm viloyati Xonqa tumanida 4 tup pavlovniya daraxtini kesgan shaxs 27 mln so‘mdan ortiq jarima to‘laydigan bo‘ldi. Bu haqda Ekologiya vazirligi matbuot xizmati xabar berdi.
Qayd etilishicha, viloyat Ekologiya, atrof-muhitni muhofaza qilish va iqlim o‘zgarishi boshqarmasi Xonqa tuman bo‘limi davlat inspektorlari tomonidan navbatdagi nazorat reyd tadbiri o‘tkazilgan.
Reyd davomida fuqaro T.B. tomonidan 4 tup pavlovniya daraxtini qonunga zid tarzda kesganlik holati aniqlangan. Natijada tabiatga 10 mln 880 ming so‘m miqdorida zarar yetkazilgan.
Holat yuzasidan fuqaroga nisbatan maʼmuriy bayonnoma rasmiylashtirildi. Huquqbuzar bazaviy hisoblash miqdorining 50 baravari — 17 million so‘m miqdorida jarimaga tortilgan.
