Oxirgi oylarda propan narxi yoqilgʻi quyish shoxobchalarida keskin qimmatlashdi. Bu birjada narxlar oshgani fonida roʻy beryapti.
5-iyun holatiga propanning 1 tonnasi 5 mln 320,4 ming soʻmdan sotilgan boʻlsa, bu 5-sentyabrga kelib 8 mln 936,9 ming soʻmgacha qimmatlashgan. Yaʼni 3 oy davomida ushbu mahsulot bahosi 68 foizga oshgan.
Rasmiy statistikaga koʻra, propan narxi birgina avgust oyida 20,2 foizga, yillik hisobda 32,7 foizga qimmatlashgan.
