Qozogʻistondagi qishloq karantinga olindi

04.09.2024 16:39

1-sentyabr kuni Qozogʻistonning Olmaota viloyati, Uygʻur tumanidagi Ulken Aksu qishloq okrugida kuydirgi kasalligi shubhasi bilan toʻrtta holat aniqlangan. Infeksiya yuqishiga hayvon soʻyish paytida veterinariya nazoratiga amal qilinmagani sabab boʻlgan boʻlishi mumkin.

Qozogʻistondagi qishloq karantinga olindi

“Kuydirgi kasalligi odamdan odamga yuqmaydi. Kasallikning asosiy manbai qishloq xoʻjaligi hayvonlari (qoramol, ot, qoʻy, echki), shuningdek, uzoq vaqt davomida iflos tuproqda saqlanib qolgan sporalar boʻlishi mumkin”, – deyiladi viloyat hokimligi xabarida.

Taʼkidlanishicha, kasallikning sabablarini aniqlash uchun veterinariya inspeksiyasi va Olmaota viloyati hokimligi bilan birgalikda qishloq aholisining uyida xomashyo va goʻsht mahsulotlarining, shuningdek, hayvonlar soʻyilgan joydagi tuproq namunalari olingan.