Oʻzbekistonda Germaniya universiteti ochiladi

21-06-2025 15:32

Bu tashabbus Oʻzbekistonda raqobatbardosh kadrlar tayyorlash, Yevropa standartlari asosida bilim berish va Germaniyaning ilgʻor akademik anʼanalarini joriy etish borasida muhim qadam boʻlishi kutilmoqda.

https://storage.pro-data.tech/protsess/f2ac9eef-816e-4f57-ba26-2081614ff527-0219cfc6-4e6f-467c-9bc7-1239159ebd91.webp

Qayd etilishicha, Oliy taʼlim, fan va innovatsiyalar vaziri oʻrinbosari Sarvarxon Buzrukxonov Germaniyaga amaliy safari doirasida Kyoten shahridagi Anxalt amaliy fanlar universitetiga tashrif buyurgan. Safar chogʻida u mazkur universitet Prezidenti, professor Yorg Bagdan bilan uchrashib, ikki tomonlama hamkorlik istiqbollarini muhokama qilishgan.

Uchrashuvning markaziy mavzusi Oʻzbekistonda Germaniya universitetini tashkil etish masalasi boʻlgan. Sarvarxon Buzrukxonov mazkur tashabbusni amalga oshirishda Anxalt amaliy fanlar universiteti tajribasi va salohiyati muhim oʻrin tutishi mumkinligini qayd etishgan.