Keltirilishicha, 2023-yil 1-sentyabr Yagona milliy ijtimoiy himoya axborot tizimining “Yolgʻiz keksa” moduli ishga tushirilib, unda 2023-yil 1-oktyabr holatiga jami 18 928 nafar oʻzgalar parvarishiga muhtoj yolgʻiz yashovchi hamda yolgʻiz keksalar va nogironligi boʻlgan shaxslar mavjud boʻlgan.
2023-yil 1-oktyabr – 2024-yil 31-iyul holatiga reyestrga 4647 nafar oʻzgalar parvarishiga muhtoj shaxs kiritilgan va 6287 nafari reyestrdan chiqarilgan. 2024-yil avgust oyi holatiga koʻra, 17 288 nafar oʻzgalar parvarishiga muhtoj shaxs ijtimoiy-maishiy xizmatlardan foydalanib kelmoqda.
Bunda ularning 7939 nafari yolgʻiz yashovchi keksalar, 2306 nafari yolgʻiz yashovchi nogironligi boʻlgan shaxslar, 4703 nafari yolgʻiz kekslar va 2340 nafari yolgʻiz nogironligi boʻlgan shaxslar.
“Inson” ijtimoiy xizmatlar markazi xodimlari, ijtimoiy xodim, tuman tibbiyot birlashmasining maxsus monitoring guruhi vakili hamda fuqarolar yigʻini raisi tomonidan ijtimoiy xizmatlar sifati hamda individual ijtimoiy xizmatlar rejasi natijalari monitoringi olib borilmoqda.
Xususan, monitoring davomida koʻrsatilgan xizmatlar natijasida shaxslarning oʻzganing yordamiga muhtojlik darajasi kamayganligi va holati yaxshilanishi kuzatilib, quyidagi oʻzgarish kuzatilgan:
- oʻzganing yordamiga ancha bogʻliq boʻlgan shaxslar (Bartel va Lauton shkalalari boʻyicha 0–53 ball) avval 780 nafarni tashkil etgan boʻlgan boʻlsa monitoring natijasida ularning soni 664 nafarni;
- oʻzganing yordamiga ayon koʻrinib turgan bogʻliqligi boʻlgan shaxslar (Bartel va Lauton shkalalari boʻyicha 54–62 ball) avval 1 045 nafarni tashkil etgan boʻlgan boʻlsa monitoring natijasida ularning soni 1 098 nafarni;
- oʻzganing yordamiga moʻtadil bogʻliq boʻlgan shaxslar (Bartel va Lauton shkalalari boʻyicha 63–87 ball) avval 8 597 nafarni tashkil etgan boʻlgan boʻlsa monitoring natijasida ularning soni 7 650 nafarni;
- oʻzganing yordamiga ozgina bogʻliq boʻlgan shaxslar (Bartel va Lauton shkalalari boʻyicha 88–115 ball) avval 5 625 nafarni tashkil etgan boʻlgan boʻlsa monitoring natijasida ularning soni 3 991 nafarni;
- oʻzganing yordami talab etilmaydigan shaxslar (Bartel va Lauton shkalalari boʻyicha 116 va undan yuqori ball) avval 1 280 nafarni tashkil etgan boʻlgan boʻlsa monitoring natijasida ularning soni 540 nafarni tashkil etgan.
Avvalroq, Yaponiyada har yili 40 mingdan ortiq qariganda yolgʻiz qolgan keksalar vafot etgani haqida xabar bergandik.
.webp&w=3840&q=75)
