WBA reytingi yangilandi. Uch bokschimiz 1-o'rinda!
02.09.2024 16:43
Butunjahon boks assotsiatsiyasi (WBA) avgust oyi yakunlariga ko‘ra yangilangan reytingni eʼlon qildi.
Ushbu reytingdan 7 nafar o‘zbekistonlik bokschi o‘rin olgan bo‘lib, ularning 3 nafari o‘z vazn toifalarida 1-o‘rinni egallab turibdi. Isroil Madrimov mag‘lubiyatdan so‘ng uchinchi o‘rindan joy oldi.
Avgust oyi so‘ngida yangilangan reyting quyidagicha ko‘rinish oldi:
Hasanboy Do‘stmatov — (minimal vazn) o‘tgan oydagi singari 1-o‘rin;
Murodjon Ahmadaliyev (birinchi yarim yengil vazn) — o‘tgan oydagi singari 1-o‘rin;
Muhammad Shexov (birinchi yarim yengil vazn) — 10-o‘rin (o‘tgan oyda 11-o‘rin);
Otabek Xolmatov (yarim yengil vazn) — o‘tgan oydagi singari 5-o‘rin;
Shahram G‘iyosov (yarim o‘rta vazn) — o‘tgan oydagi singari 1-o‘rin;
Isroil Madrimov (super yarim o‘rta vazn) — 3-o‘rin (o‘tgan oyda vazn chempioni edi);
Bektemir Meliqo‘ziyev (super o‘rta vazn) — 6-o‘rin (o‘tgan oy 5-o‘rinda edi).
Ma’lumot uchun: Madrimovning Terens Kroufordga qarshi jangi 4-avgust kuni Los-Anjelesda bo‘lib o‘tgandi. Jang ochkolar hisobiga ko‘ra amerikalik bokschining g‘alabasi bilan yakunlangan edi.
Professional boksda mag‘lubiyatsiz harakat qilayotgan Shahram G‘iyosov esa 1-avgust kuni Los-Anjelesda Migel Perraga qarshi jang qilib, ochkolar hisobiga g'alaba qozongandi.
.png&w=3840&q=75)
