Klub va nigeriyalik oʻyinchi oʻrtasidagi munosabatlar butkul buzilgan.
“Napoli”da klub rahbariyati va jamoaning keyingi yillardagi eng zoʻr toʻpurari Viktor Osimhen oʻrtasidagi mojaro kelib chiqdi.
Mutasaddilar nigeriyalik hujumchini A Seriya qaydnomasidan chiqarib, uning raqamini yangi forvard Romelu Lukakuga berib yubordi. Manbaning taʼkidlashicha, klub va futbolchi oʻrtasidagi munosabatlar butkul buzilgan.
“Napoli” Viktor Osimhen transferidan pul ishlab olishga harakat qilgandi. Yozgi transferlar oynasi yopilishi arafasida 25 yoshli oʻyinchi “Chelsi”ning katta taklifini rad etdi va Angliyaga koʻchib oʻtishdan bosh tortdi.
Agar klub Osimhenni oʻynatmasa, mashhur charm toʻp ustasida Arab mamlakatlari taklifini qabul qilish varianti bor.
Eslatib oʻtamiz, Yevropaning TOP-5 chempionatlarida transfer oynasi kecha, 31-avgust kuni yopilgan. Saudiya Arabistonida esa 2-sentyabr transferlarning oxirgi kuni.
.png&w=3840&q=75)
