Rossiya prezidenti Vladimir Putin KXDR yetakchisi Kim Chen Inga uning sevimli jonivori – Orlov risaki zotli 24 ta otini sovgʻa qildi. Bu haqda The Times nashri xabar berdi.
Nashrga koʻra, bu Rossiya prezidentining Kim Chen Inga otlardan iborat birinchi sovgʻasi emas, 2022-yilda ham Pxenyanga Moskvadan 30 ta ot keltirilgan.
Bu yilgi partiya 19 ta aygʻir va beshta toychoqni oʻz ichiga olgan, jonivorlar Primorsk oʻlkasi orqali olib oʻtilgan.
Shuningdek, joriy yil boshida Rossiya prezidenti Vladimir Putin Shimoliy Koreya rahbari Kim Chen Inga mahalliy ishlab chiqarilgan avtomobil sovgʻa qilgan edi.
