"El-yurt umidi" jamg‘armasi ijrochi direktori o‘rinbosari Javohir Ahmedov xorijda ta’lim olayotgan "El-yurt umidi" jamg‘armasi stipendiatlari ham saylovga jalb etilganini va ular ham bugungi siyosiy jarayonlarga befarq emasligini aytdi.
Shuningdek, “Vatandoshlar” jamoat fondi xorijdagi maktablarga yetkazib berilgan darsliklar sonini ma’lum qildi. Fond bo‘lim boshlig‘i Akmal Shofayziyevning ma’lum qilishicha, xorijda o‘zbek tilida ta’lim beriladigan maktablarga 15 mingdan ortiq darsliklar yetkazib berilgan.
Bundan tashqari, "El-yurt umidi" jamg‘armasi ijrochi direktori o‘rinbosari Javohir Ahmedov bugungi kungacha AQSHdagi beshta shtatda muddatidan oldin saylovlar tashkil etigani va bu jarayonlarda jamg‘armaning xorijdagi har bir stipendiati ishtirok etganini qo‘shimcha qildi.
Akmal Shofayziyevning aytishicha, xorijda ham saylov uchastkalari tashkil qilingan. Eng quvonarlisi, saylov jarayonlarini xorijdagi vatandoshlarimiz bayramona ruhda o‘tkazmoqda.
Javohir Ahmedovning qo‘shimcha qilishicha, "El-yurt umidi" jamg‘armasi har yili har bir stipendiatning sog‘lig‘i bilan bog‘liq sug‘urta to‘laydi va salomatligini himoyalaydi. Bundan tashqari, elchixonalar stipendiatlarimizning huquqlarini himoyalab keladi.
