Andijon viloyatidagi zavodda yong‘in chiqqani haqida xabarlar tarqaldi. Viloyat FVB axborot xizmati holat yuzasidan ma’lumot berdi.
Ma’lum qilinishicha, kecham 10-sentyabr kuni soat 23:58 da Andijon shahar Yangi aylanma ko‘chasida joylashgan «Uz Koram Ko» MCHJda yong‘in sodir bo‘layotgani haqida viloyat FVBga xabar kelib tushgan. Yong‘in qutqaruv ekipajlari chaqiruvga asosan soat 00:06 da aytilgan manzilga yetib borgan va soat 00:55 da yong‘in batamom o‘chirilgan.
Hodisa oqibatida MCHJning shamollatish ventilyatsiya shaxtasida 90 m kv maydonda bo‘yoq qoldiqlari yonib zararlangan. Tan jarohati holatlari qayd etilmagan. Hozirda yong‘in sodir bo‘lish omillari va moddiy zarar miqdori aniqlanmoqda.
