“Parlamentskaya gazeta”ning yozishicha, Parlament aʼzosi “Spravedlivaya Rossiya” 2022-yilda ham xuddi shunday tashabbus bilan chiqqanini eslatdi. Endi keskinlashgan migratsiya muammolari qonunchilarning diqqat markazida ekan, bu masalani koʻrib chiqishga qaytish kerak, deb hisoblamoqda u.
Mironov soʻzlariga koʻra, davlat “ishchilarni ommaviy pasportlashtirish”ga qarshi turishi va milliy xavfsizlik sohasidagi oʻz manfaatlarini Markaziy Osiyo mamlakatlari aholisiga Rossiya fuqaroligini berishga moratoriy joriy etish yoʻli bilan himoya qilishi kerak.
“Hech boʻlmaganda 2026-yilgacha. Shu vaqt ichida qonunchilikni tartibga solish, migratsiya xizmatini isloh qilish, uni poraxoʻrlardan tozalash, shuningdek, avval berilgan pasportlarning qonuniyligini tekshirish mumkin”, dedi deputat.
Avvalroq “Spravedlivaya Rossiya” va Liberal-demokratik partiyasi deputatlari Rossiyada migratsiya qonunchiligini keskinlashtirish va migrantlar huquqlarini cheklashga qaratilgan qator qonunchilik tashabbuslarini ilgari surgan edi. Parlament aʼzolari, xususan, migrantlarga oilasini Rossiyaga olib kelishni, 100 ming rubldan oshiq maosh bilan kuriyer boʻlib ishlashni, yaqinda Rossiya fuqaroligini olganlarga travmatik qurol sotib olishni taqiqlashni taklif qildi.
Bundan tashqari, harbiy xizmatda roʻyxatdan oʻtmaganlarni Rossiya fuqaroligidan mahrum qilish, shuningdek, migrantlarni vataniga qaytish chiptasi uchun naqd pulda avans berishga majburlash taklif etildi.
