16 yosh bola PUBG akkaunti bilan firibgarlik qilgan
04.09.2024 07:53
Fargʻona viloyatida yashovchi J.O. murojaat qilib, oʻz arizasida telegram messenjerida nomaʼlum shaxs tomonidan 1.200.000 soʻm miqdoridagi pullari firibgarlik yoʻli bilan oʻtkazib olinganligini maʼlum qilgan.
Tezkor-qidiruv xizmati Kiberxavfsizlik boʻlinmalari tomonidan oʻtkazilgan tezkor-qidiruv tadbirlari natijasida, ushbu jinoyatni Qashqadaryo viloyatida yashovchi S.B. sodir etganligi aniqlandi.
Unga koʻra, S.B., J.O. bilan telegramda tanishib, unga “PUBG” onlayn oʻyinining kuchaytirilgan akkauntini sotishini aytgan va oldindan plastik kartasiga 1.200.000 pullarni oʻtkazdirib olib, kelishilgan akkauntni bermasdan, yozishmalarni oʻchirib yuborib, uni qora roʻyxatga kirgazib qoʻyganligi maʼlum boʻldi.
Mazkur holat yuzasidan S.B.ga nisbatan Oʻzbekiston Respublikasi JKning 168-moddasi 3-qismi “b,g” bandi bilan jinoyat ishi qoʻzgʻatilgan.
.webp&w=3840&q=75)
