Marg‘ilonda 5,6 mlrd so‘mlik tabiiy gaz o‘g‘irlandi

Bosh prokuraturaga ko‘ra, Marg‘ilon shahri “Kichik sanoat zonasi”da bir necha shaxs til biriktirib, noqonuniy ohak ishlab chiqarish sexi tashkil qilishgan. 

Sexda qo‘lbola gaz qurilmalarini yer ostidan o‘tgan gaz quvuriga yashirincha ulab, 5,6 mlrd so‘mlik 2,155 mln kub metr tabiiy gazni o‘g‘irlagan.

Mazkur holat bo‘yicha fuqarolarga nisbatan jinoyat ishi qo‘zg‘atilib, gumonlanuvchilar protsessual tartibda qo‘lga olingan.