10 yoshli o‘g‘lini tilanchilikka chiqargan erkak qamaldi
27.09.2024 17:28
Toshkent shahar Sergeli tumanida 10 yoshli o‘g‘lini tilanchilik qilish uchun chiqargan erkak 10 sutkaga qamaldi. Bu haqda poytaxt IIBB axborot xizmati xabar berdi.
Unga ko‘ra, erkak o‘zining o‘n yoshli farzandini ko‘chaga tilanchilik qilish uchun chiqarib, kuzatib turgan vaqtida xodimlar tomonidan ichki ishlar bo‘limiga olib ketilgan.
«O‘g‘lim tilanchilik qilgan, ko‘rmay qolibman. Holat boshqa takrorlanmaydi», deydi ota.
Qayd etilishicha, ushbu shaxsga nisbatan Jinoyat ishlari bo‘yicha Sergeli tuman sudi tomonidan o‘n sutka ma’muriy qamoq jazosi, BHMning bir barobari miqdorida jarima jazosi tayinlangan.
