Sukerberg kompaniyasi Trampga 25 million dollar to‘laydi

Meta Donald Trampga AQSH prezidentining ijtimoiy tarmoqlardagi akkauntlarini bloklash bo‘yicha da’voni hal qilish uchun 25 million dollar to‘lashga rozi bo‘ldi. Mablag‘lar prezident kutubxonasini qo‘llab-quvvatlashga sarflanadi.

2021-yil 6-yanvarda Meta Kapitoliydagi tartibsizliklar ortidan Facebook va Instagramdagi ijtimoiy tarmoqlardagi akkauntlarini cheklab qo‘ygani uchun AQSH prezidenti Donald Tramp tomonidan sudga berilgan va kompaniya huquqiy nizoni hal qilish uchun unga 25 million dollar to‘lashga rozi bo‘lgan.

The Wall Street Journal nashrining yozishicha, kelishuv shartlariga ko‘ra, 22 million dollar prezident kutubxonasi fondiga tushadi, qolgani esa sud xarajatlariga sarflanadi.

Amerika ommaviy axborot vositalari kompaniya rahbari Mark Sukerberg o‘z korporatsiyasini yangi ma’muriyatning ehtimoliy zarbasidan himoya qilish uchun so‘nggi paytlarda Tramp bilan munosabatlarni yaxshilashga harakat qilayotganini ta’kidladi.