29-yanvardan 30-yanvarga o‘tar kechasi Chempionlar ligasi umumiy bosqichining 8-turidan o‘rin olgan 18 uchrashuvda 64 ta gol kiritildi.
Сhampionat.com nashrining yozishicha, bu XXI asrning eng yaxshi ko‘rsatkichi.
Umuman turnir tarixida esa ikkinchi natija hisoblanadi. Bungacha 1970-yil 16-sentyabrda 1970-1971 yilgi Yevropa chempionlar kubogining birinchi bosqichida 16 ta o‘yinda 66 ta gol urilgan.
Chempionlar ligasining umumiy mavsumida Angliyaning “Liverpul” klubi 8 o‘yinda 21 ochko jamg‘arib, eng yaxshi natijani qayd etdi. Ispaniyaning “Barselona” jamoasi 19 ochko bilan ikkinchi o‘rinni egallagan bo‘lsa, Londonning “Arsenal” jamoasi (19 ochko) kuchli uchlikni yakunlab berdi.
Dastlabki sakkizlikka kirgan jamoalar darhol 1/8 finalga yo‘llanma oldi. 9-24-o‘rinlarni egallagan klublar esa qolgan sakkizta o‘rin uchun kurash olib boradi.
.jpg&w=3840&q=75)