Van provinsiyasidagi Turkiya-Eron chegarasida xavfsizlikni kuchaytirish maqsadida beton devor qurish va ariqlar qazish ishlari davom etmoqda, deb xabar beradi Kazinform agentligi muxbiri.
Turk kuchlari zamonaviy texnologiyalardan foydalanib, bu hududni kuzatib boradi va chegarani noqonuniy kesib o‘tishning oldini olish uchun qo‘shimcha choralar ko‘ryapti. Bu istehkomlardan maqsad - noqonuniy muhojirlar va kontrabandachilarning kirib kelishining oldini olish, shuningdek, Turkiyaning sharqiy chegarasida xavfsizlikni kuchaytirishdir. Chegarani nazorati va kuzatib borishi uchun jismoniy to‘siqlardan tashqari, zamonaviy texnologiyalar faol qo‘llaniladi.
Turkiya chegarachilarida kuzatuv kameralari, tungi vaqtda harakatni aniqlashga yordam beradigan teplovizorlar, havodan patrul uyushtirish uchun dronlar mavjud. Ushbu chora-tadbirlar chegarani 24/7 nazorat qilish imkonini beradi.
Chegarani noqonuniy kesib o‘tish, jumladan, migratsiya, kontrabanda va noqonuniy qurolli guruhlar tomonidan yuzaga kelishi mumkin bo‘lgan tahdidlarning oldini olish maqsadida beton devorlar va zovurlar qurish ishlari davom etyapti. Hudud taxminan 300 km uzunlikni tashkil etadi va Turkiyaning sharqiy chegarasida muhim nazorat nuqtasiga aylangan.
.jpg&w=3840&q=75)
