Ma’lum qilinishicha, "Qamchiq" dovoni hududidan o‘tuvchi A-373 avtomobil yo‘lining 258-kilometrida "Toshkent-Vodiy" yo‘nalishida harakatlanib kelayotgan yuk avtomobilining nosoz old g‘ildiragi chiqib ketishi natijasida yong‘in chiqqan. Mazkur holat joriy yilning 5 noyabr kuni soat 13:30 atrofida sodir bo‘lgan. Bu haqda YHXX Matbuot xizmati xabar qildi.
Hodisa natijasida tan jarohati olganlar yo‘q. Holat YPX otryadi va FVV xodimlari tomonidan to‘liq nazoratga olingan.
"Ushbu yo‘nalishda harakat vaqtinchalik to‘xtatilgan. Yong‘in o‘chirilgach, harakat zudlik bilan ochiladi",- deyiladi xabarda.
