Isroil harbiy guruhi Livan shimolida, mamlakat chegarasidan 140 km uzoqlikda “Hizbulloh” harakati qo‘mondonini hibsga oldi. Bu haqda Isroilning N12 telekanali xabar berdi.
Telekanal ma’lumotlariga ko‘ra, qo‘lga olingan “Hizbulloh” qo‘mondoni Isroilga olib kelingan va so‘roq qilish uchun tegishli razvedka boshqarmasiga yuborilgan.
Ba’zi matbuot xabarlariga ko‘ra, qo‘lga olingan Hizbulloh qo‘mondoni dengiz kuchlarida rahbar bo‘lib xizmat qilgan.
