Almati yaqinida taniqli bloger va tadbirkor Beybit Alibekovning Lamborghini avtomobili ustidan sakrab o‘tmoqchi bo‘lgan yigit halok bo‘ldi.
Almati viloyati politsiya departamenti ma’lumotlariga ko‘ra, 29-oktyabr kuni 22 yoshli yigit Sokol avtodromi hududida videoklip uchun kaskadyorlik qilayotgan 45 yoshli haydovchi boshqarayotgan avtomobil tagiga tushib ketgan.
“Natijada jabrlanuvchi tuman kasalxonasiga yotqizilgan va u 30-oktyabr kuni hushiga kelmay vafot etgan. Ushbu fakt bo‘yicha politsiya tomonidan jinoyat ishi qo‘zg‘atilgan. Hozirda tergov harakatlari olib borilmoqda”, – deya xabar berdi viloyat Politsiya departamenti matbuot xizmati.
