BBС ma’lumotlariga ko‘ra, ikkala voqea ham yetti yil farqi bilan suratga olish vaqtida sodir bo‘lgan: 2014-yilda “Sehrgar va siamlar” filmining suratga olish maydonida va 2021-yilda “Yashil panjurlar” suratga olish maydonchasida.
Fransuz kino yulduzining o‘zi bu ayblovlarni doimiy ravishda rad etadi.
Jamoatchilik birinchi voqea haqida 2023-yil yanvar oyida bilishgan edi. Depardening sobiq yordamchisi aktyorga qarshi “o‘z mansab mavqeini suiiste’mol qilgan shaxs tomonidan qo‘l ostidagi xodimga nisbatan jinsiy zo‘ravonlik qilish” moddasi bo‘yicha ariza yozgan. Bu yangi tergov boshlanishiga sabab bo‘ldi.
Hodisa sodir bo‘lgan paytda aktyorning yordamchisi hali 25 yoshga to‘lmagan.
Mahalliy matbuotga bergan intervyusida, ayol "unga tegajonlik" qilganini aytdi, u hali ham bo‘lgan voqeani “jirkanchlik” bilan eslaydi.
Taxminlarga ko‘ra, xuddi shunday ikkita hodisa "Yashil panjurlar" filmini suratga olish paytida sodir bo‘lgan.
Shu yilning fevral oyida ayollardan biri – 53 yoshli Ameli ismli kinorejissyor Depardega qarshi uchta ayblov bo‘yicha politsiyaga shikoyat qildi. Uning ko‘rsatmalariga ko‘ra, u 2021-yil sentyabrida Parijning 16-okrugidagi xususiy mehmonxonada ta’qib qilingan.
J. Deparde 200 dan ortiq film va telefilmlarda suratga tushgan mashhur fransuz aktyorlaridan biri;
U Bertoluchchining "Yigirmanchi asr" filmidagi Olmo Dalko va xuddi shu nomdagi filmdagi Sirano de Berjerak kabi rollari tufayli fransuz kinosining timsoliga aylandi (ikkinchisi uchun u Kann kinofestivalida "Eng yaxshi erkak roli" mukofotiga sazovor bo‘ldi).
Deparde 1974-yilda rejissyor Bertran Bliyerning “Vals” filmi chiqqanidan keyin tanila boshladi. Aktyor turli rollarda – klassik dramadan tortib, zamonaviy komediyagacha rol o‘ynagan.
.jpg&w=3840&q=75)
