Qoraqalpog‘iston Respublikasi Nukus shahrida uch kishi — er-xotin va ularnikiga mehmonga kelgan yigit is gazidan zaharlanib vafot etdi.
Bu haqda Bosh prokuratura matbuot kotibi Hayot Shamsutdinov ma’lumot berdi.
Unga ko‘ra, voqea 18-oktyabrga o‘tar kechasi Nukus shahri 23 kichik tumani 3/6-uyning 33-xonadonida sodir bo‘lgan. Respublika shoshilinch tibbiy yordam ko‘rsatish markazi Qoraqalpog‘iston filiali shifokori soat 07:51 da IIBga qo‘ng‘iroq qilib, o‘lim bilan bog‘liq holat haqida xabar bergan.
Qayd etilishicha, olib borilgan surishtiruv ishlari davomida 25 yoshli A.Y., uning 23 yoshli xotini M.Y va ularnikiga mehmonga kelgan 27 yoshli A.T uyning isitish qozonxonasi mo‘risidan chiqqan is gazidan zaharlanib vafot etgani aniqlangan.
Ayni paytda holat yuzasidan tekshiruv ishlari olib borilmoqda.
