Endi foydalanuvchilar uchun soxta xabarlarni aniqlash osonroq boʻladi va ular zararli havolalar haqida ham ogohlantirish
oladi.
Machine learning texnologiyasidan foydalangan holda Google firibgarlikni aniqlash funksiyasini takomillashtirdi — endi xabar matnlarini yanada samaraliroq tahlil qilish va firibgarlar tomonidan yozilishi mumkin boʻlgan matnlarni aniqlash mumkin boʻladi.
Bunday xatlar avtomatik ravishda spamga oʻtkaziladi. Kompaniyaning taʼkidlashicha, ishlov berish foydalanuvchi qurilmasida amalga oshiriladi va maʼlumotlar masofaviy serverlarga oʻtkazilmaydi.
Kompaniya, shuningdek, boshqa mamlakatlardan kelgan xabarlarni blokirovka qilishga ruxsat beradi va nomaqbul kontent, masalan, erotik kontent haqida ogohlantiradi.
Kontaktni tekshirish funksiyasidan foydalanib, xabar soxta manzildan emas, haqiqiy manzildan yuborilganligiga ishonch hosil qilish mumkin.
Hozirda yangi funksiyadan Hindiston, Tailand, Singapur va Malayziyadagi ilovaning beta-versiyasi foydalanuvchilari foydalanishi mumkin.
Qayd
etilishicha, kompaniya yil oxirigacha funksiyani barcha foydalanuvchilarga taqdim etishni rejalashtirmoqda.
